Ilustracyjnaje fota: AP
ZŠA płanujuć upieršyniu ŭ historyi ŭvieści sankcyi suprać padraździaleńnia armii abarony Izraila. Havorka idzie pra bataljon «Niecach Ijehuda», paviedamlaje Axios.
Padraździaleńnie padazrajuć u parušeńni pravoŭ čałavieka na Zachodnim bierazie raki Iardan. Pavodle amierykanskich čynoŭnikaŭ, izrailskija sałdaty ŭžyvali hvałt da mirnych palestyncaŭ u hetym rajonie jašče da pačatku poŭnamaštabnaj vajny suprać CHAMAS.
Čakajecca, što dziaržsakratar ZŠA Entani Blinkien abvieścić pra sankcyi najbližejšym časam. Abmiežavańni buduć aznačać, što bataljon i jaho vajskoŭcy nie zmohuć atrymlivać dapamohu ad ZŠA.
Izrailski premjer Bińjamin Nietańjachu nazvaŭ uviadzieńnie sankcyj suprać izrailskich sałdat padčas vajny z CHAMAS «viercham absurdu i amaralnaj nizaściu». Jon zajaviŭ, što ŭrad budzie ŭsimi siłami zmahacca suprać abmiežavańniaŭ.
