Kiraŭnik MZS Siarhiej Alejnik. Skryn videa
Jon adkazaŭ, što Biełaruś nie atrymlivała pakul zaprašeńnia ad šviejcarskaha boku.
«Viedajem, što taki samit rychtujecca. Ličym, što adsutnaść zaprašeńnia absalutna nie adlustroŭvaje tuju realnaść, jakaja składvajecca ŭ jeŭrapiejskim rehijonie, i toj układ, jaki Biełaruś unosiła i praciahvaje nasić u mirnaje ŭrehulavańnie ŭkrainskaha kryzisu.
My naturalna, zychodzim z taho, što lubyja mierapryjemstvy lubyja kanfierencyi, jakija tyčacca jeŭrapiejskaj biaśpieki biez udziełu Biełarusi i Rasii nie majuć ni pierśpiektyvy, ni sensu», — adkazaŭ Alejnik.
Samit miru pa Ukrainie adbudziecca 15-16 červienia ŭ Šviejcaryi. Jon budzie nakiravany na stvareńnie kankretnaj darožnaj karty skančeńnia vajny. Rasija nie budzie prymać udzieł u samicie, ale šviejcarski ŭrad vykazaŭ spadziavańnie, što pradstaŭniki Rasii kali-niebudź zmohuć dałučycca da abmierkavańnia mirnaha ŭrehulavańnia va Ukrainie, pieradaje ahienctva AR.
Čytajcie taksama:
Pientahon nieadkładna nakiroŭvaje na padtrymku Ukrainy zbroju na miljard dalaraŭ
Sienat ZŠA prahałasavaŭ za vydzialeńnie dapamohi ŭ 61 miljard dalaraŭ Ukrainie
Šajhu zajaviŭ ab płanach pavysić intensiŭnaść udaraŭ pa łahistycy Ukrainy
