Hordan Błek. Fota: Shot
Rasijskaja i amierykanskaja presa paviedamlajuć, što va Uładzivastoku na minułym tydni byŭ aryštavany siaržant amierykanskaj armii Hordan Błek. Rasijskija ŭłady kažuć, što havorka idzie pra čysta bytavoje złačynstva — źbićcio i kradziež, piša Bi-bi-si.
Hordan Błek byŭ aryštavany Pieršamajskim rajonnym sudom Uładzivastoka 3 maja.
U paniadziełak pres-ataše suchaputnych sił armii ZŠA Sincija Śmit paviedamiła presie, što ministerstva abarony paviedamiła ab aryšcie štab-siaržanta Hordana Błeka jaho rodnych, a Dziarždepartamient akazvaje jamu nieabchodnuju konsulskuju padtrymku.
Pa infarmacyi z rasijskich krynic, Błek pryjechaŭ va Uładzivastok da svajoj dziaŭčyny, ź jakoj paznajomiŭsia, pa adnych danych, u Paŭdniovaj Karei, a pa inšych — praź internet, praź niekatory čas źbiŭ jaje i skraŭ 200 tysiač rubloŭ (kala 2200 dalaraŭ).
Amierykanskaja telekampanija NBC u paniadziełak paviedamiła, što Błek słužyŭ u Paŭdniovaj Karei, a va Uładzivastok adpraviŭsia pierad pajezdkaj dadomu, nie paviedamiŭšy pra heta kamandavańniu.
