Pavodle danych Hałoŭnaha mytnaha ŭpraŭleńnia KNR, u sakaviku «Biełaruśkalij» adpraviŭ u Piekin kalijnych uhnajeńniaŭ na $95,7 młn (na 42,3% mienš, čym u sakaviku 2023-ha), paviedamlaje Tochka.
Pry hetym Kanada pastaviła ŭ Kitaj kaliju na $71,86 młn (-8,1%), Rasija — na $145,43 młn (+66,6%).
U sumie za I kvartał 2024 hoda Rasija pavialičyła pastaŭki amal na 40% — da $432,3 młn, Kanada naraściła pastaŭki na 24,6% — da $313 młn, a Biełaruś ekspartavała ŭ Kitaj uhnajeńniaŭ na $237,6 młn, skaraciŭšy pastaŭki na 47%, heta značyć amal udvaja.
Biełaruskija ŭłady zasakrecili statystyku pa eksparcie. Kitaj razam ź Indyjaj i Brazilijaj źjaŭlaŭsia tradycyjna hałoŭnym pakupnikom pradukcyi «Biełaruśkalija».
Čytajcie taksama:
Jeŭrasajuz rychtuje bolš surovyja sankcyi suprać Biełarusi, ale dla kaliju mohuć zrabić vyklučeńnie
Čym pahražaje biełaruskaj ekanomicy prodaž uhnajeńniaŭ pa dempinhavych cenach
