Fota: SB
Ministerstva adukacyi ŭchvaliła ŭviadzieńnie paasobnaha navučańnia dla chłopčykaŭ i dziaŭčynak u 14 škołach krainy.
Takuju formu navučańnia praduhledžvaje technałohija rasijskaha vučonaha Bazarnaha. Akramia taho, pa hetaj technałohii dzieci vučacca stojačy ź pierapynkami pa 15 chvilin, źviartaje ŭvahu «Matolka dapamažy».
Technałohiju Bazarnaha raniej aprabavali ŭ adnoj sa škoł Navapołacka pa inicyjatyvie aktyvista Arkadzia Razbaša. Takaja mietodyka navučańnia jaje prychilnikami ličycca zdaroŭjeźbierahalnaj.
Ciapier aktyvisty abviaścili, što Minadukacyi pryznała ekśpierymient udałym i dazvoliła ŭvieści padobnuju sistemu ŭ 14 škołach krainy ŭžo z 1 vieraśnia. Adnak dla hetaha treba sabrać hrošy.
Cikava, što prarasijskija aktyvisty źbirajuć srodki praz fond Alaksieja Tałaja, jaki znachodzicca pad sankcyjami Ukrainy, JEZ i Kanady.