Kampietentnaje žury z 59 aŭtamabilnych žurnalistaŭ z 25 krain śvietu nazvali hetuju madel najlepšaj u śviecie mašynaj 2010 hoda.
Štohod na ńju‑iorkskim aŭtašou znakamityja žurnalisty, jakija pišuć pra aŭtamabili, hałasujuć za najlepšuju mašynu ŭ śviecie. Finalnaj stadyi papiaredničaje doŭhi adbor z šyrokaha śpisu pretendentaŭ. Sioleta honku pa hanarovaje zvańnie raspačynali 30 kandydataŭ. Da finnału dajšli tolki troje — Mercedes‑Benz E‑Class, Toyota Prius i Volkswagen Polo.
Cikava, što pieramoha Polo stała druhoj zapar dla kampanii Volkswagen. Letaś favarytam žurnalistaŭ staŭ jeŭrapiejski lider prodažaŭ Volkswagen Golf.
«Paśla minułahodniaha tryumfu madeli Golf my vielmi radyja paŭtaryć hety pośpiech z novym Polo. Heta słužyć dokazam, što Volkswagen zaraz na pravilnym šlachu i vypuskaje zaraz, badaj, najlepšy śpiektr praduktaŭ za ŭsiu svaju historyju», — kamientuje pieramohu staršynia Rady dyrektaraŭ kampanii prafiesar Marcin Vinterkorn.
Akramia najlepšaj mašyny śvietu, žury vyznačyła lepšy dyzajnierski prajekt hoda — Chevrolet Camaro, najlepšaje aŭto vysokaj mahutnaści — Audi R8 V10 i lepšy ekałahičny aŭtamabil — sieryja Volkswagen BlueMotion (Golf, Passat, Polo).
Konkurs World Car Of The Year (WCOTY) zasnavany ŭ 2004 hodzie. Pieramožcami z tych časoŭ stanavilisia:
- 2005 — Audi A6
2006 — BMW 3‑Series
2007 — Lexus LS460
2008 — Mazda 2
2009 — Volkswagen Golf VI.
