Dziakujučy revalucyi 2020 hoda ŭ Biełarusi niama vajny — Łatyšonak
U novym vypusku «Tok» prafiesar Aleh Łatyšonak vykazaŭ svajo razumieńnie taho, čamu Maskva nie zahadała biełaruskim vojskam iści va Ukrainu.
27.03.2024 / 17:43
«Ja dumaju, što dziakujučy revalucyi 2020 hoda [niama vajny ŭ Biełarusi]. Pakolki rasijanie pabačyli, što nie panujuć nad situacyjaj całkam i musiać bajacca biełaruskaj armii. Tamu što jana ŭ vialikaj stupieni składajecca z pryzyŭnikoŭ. Tyja pryzyŭniki, jakija ciapier u armii, jany ŭ čas revalucyi byli, skažam tak, na svabodzie, byli hramadzianskimi».
Łatyšonak zhadvaje časy vajennaha stanovišča ŭ Polščy 1981-1983 hadoŭ. Tady tym, chto znachodziŭsia ŭ vojsku, praciahnuli termin słužby na paŭhoda, kab jany «nie adčuli svabody i «Salidarnaści».
«A tut u Biełarusi [u armiju] pajšli tyja, chto prymaŭ udzieł u hetaj revalucyi. Tamu rasijanie prosta byli nie ŭpeŭnienyja, ci možna zadziejničać biełaruskuju armiju, jak paviaduć siabie žaŭniery. I nie adčuvali takoj patreby», — dadaje Łatyšonak.
Ale, na pohlad prafiesara, z časam situacyja moža źmianicca. «Łukašenka pakul što vielmi sprytna vilaje, jak jon heta ŭmieje. Ale tolki tamu, što jamu dazvalajuć. Kali ŭžo spatrebicca, to rasijanie pierakinuć svaje atrady na Biełaruś i pieramiašajuć ź biełaruskimi. Tady budzie inšaja situacyja».
Hladzicie całkam:
Čytajcie taksama:
Śćviardžeńnie, što «VKŁ — heta była Biełaruś», falš — historyk Łatyšonak
«Kalinoŭski — vielmi važnaja postać, ale paŭstańnie 1863-ha było katastrofaj» — Łatyšonak