Маёр міліцыі з Ляхавічаў памёр ва ўзросце 41 год
Згодна з «Чорнай кнігай Беларусі», Андрэй Чаранкевіч у 2020-м паўдзельнічаў у рэпрэсіях.
Андрэй Чаранкевіч. Фота: lves.by, для паляпшэння якасці здымак быў апрацаваны штучным інтэлектам
Памерламу быў 41 год, у міліцыі ён праслужыў амаль 20 з іх. Пачынаў дзяжурным у ізалятары часовага ўтрымання, пасля перайшоў у крымінальны вышук.
Даслужыўся да пасады старшага оперупаўнаважанага аддзялення крымінальнага вышуку Ляхавіцкага РУУС і меў званне маёра.
Па звестках з «Чорнай кнігі Беларусі», Чаранкевіч удзельнічаў у рэпрэсіях:
«У жніўні 2020-га даў каманду на захоп мірных грамадзянаў і ўдзельнічаў у затрыманні. Пераконвае падпісваць сфабрыкаваныя пратаколы, займаецца выманнем тэхнікі і падманам запрашае на допыты. 13 лістапада 2020 удзельнічаў у затрыманні мірных жыхароў Ляхавічаў, якія выйшлі ўшанаваць памяць забітага Рамана Бандарэнкі», — піша канал «ЧКБ Брэст і вобласць».
Па звестках канала «Чорная кніга Беларусі», на фота — Андрэй Чаранкевіч падчас разгону пратэстаў
Прычына смерці Чаранкевіча невядомая. У яго засталася жонка і непаўналетняе дзіця.
Будзьце стрыманымі пры каментаванні падобных навінаў у месенджарах і сацсетках. У цяперашніх рэаліях нават нейтральнае выказванне на гэтую тэму можа прывесці да завядзення крымінальнай справы.
«Наша Нiва» — бастыён беларушчыны
ПАДТРЫМАЦЬЧытайце таксама:
У Магілёве падпалкоўнік міліцыі памёр ва ўзросце 46 гадоў
