Trapić u jaho niemudrahielistaje žytło moža luby achvotny, bo dźviery amal zaŭsiody adčynienyja. Reč u tym, što Kretavu niama čaho zamykacca, usie kaštoŭnyja rečy i majomaść jon prapiŭ i ŭžo nie saromiejecca taho žachu, jaki panuje ŭ jaho ŭ kvatery.
Niekalki hadoŭ tamu ŭ mužčyny pamierła maci, a paśla žonka źbiehła da najlepšaha siabra. Nie stała i lubimaha sabaki Siarhieja.
Kretaŭ i raniej mieŭ prablemy z ałkaholem, a kali navalilisia ŭsie hetyja prablemy, to ŭvohule syšoŭ u zapoj. Tolki dziakujučy siabram, jakija źviarnulisia da Andreja Małachava, akcior vybraŭsia z domu i pryjechaŭ u Maskvu na šou «Małachaŭ» kanała «Rasija 1».
Žyć byłomu akcioru niama na što, elektryčnaść u kvatery adklučyli, jość tolki hazavaja plita, na jakoj kolišni vykanaŭca roli Dzianisa Karablova zredku niešta sabie hatuje. Pastajannyja papojki zhubna adbilisia na zdaroŭi: jon ledź chodzić i havoryć.
Prybiracca ŭ kvatery mužčyna taksama nie moža, tamu jamu zredku dapamahajuć susiedzi. Adnak antysanitaryja pryviała da taho, što na ścienach užo ŭtvaryłasia ćvil, u kastrulach hniłata, pa ŭsich pakojach raskidanyja butelki z-pad ałkaholu.
«Nohi hadoŭ ź piać tamu pačali barachlić. Jany nie balać, ale ź ciažkaściu trymajuć mianie. Adzin raz sprabavaŭ padšycca, pratrymaŭsia miesiacaŭ ź piać. Ciapier sprabuju vyžyć. Mnie nichto nie dapamahaje», — kaža Kretaŭ.
Jon jak by i choča jak maha chutčej zaviazać z ałkaholem, ale jak heta zrabić, pakul nie razumieje. Bo z-za svajoj uražlivaści znoŭ i znoŭ ciahniecca da butelki.
Čytajcie taksama:
