Фота: Efrem Lukatsky / AP
Падчас інтэрв'ю з Давідам Арахаміяй на ютуб-канале «Мосейчук +» украінская тэлевядучая Наталля Масяйчук спытала палітыка пра першыя пасля пачатку вайны тэлефонныя перамовы паміж Зяленскім і Лукашэнкам, якія дапамог арганізаваць украінскі дэпутат Шаўчэнка.
Ініцыятарам размовы быў Лукашэнка, і Зяленскі спачатку адмовіўся з ім размаўляць, але Арахамія, паводле яго слоў, усё роўна паставіў званок на гучную сувязь, каб украінскі прэзідэнт паслухаў, «ці скажа Лукашэнка што-небудзь важнае».
Лукашэнка тады сказаў: «Мы не будзем ваяваць з Украінай».
«Я не магу зрабіць так, каб яны не карысталіся маёй інфраструктурай, праз Беларусь не заходзілі і не запускалі ракеты. Але я гарантую, што ніводны беларускі салдат не перасячэ мяжу Украіны», — сказаў у першы дзень вайны Лукашэнка Зяленскаму, успамінае Арахамія.
Арахамія адзначыў, што ніхто тады словам Лукашэнкі не паверыў, але пры гэтым дадаў, што «ён, відаць, дагэтуль трымае сваё абяцанне».
Чытайце таксама:
«Мы маем права ведаць, чаму Зяленскі не прымае Ціханоўскай у Кіеве» — рэдактар Kyiv Post
Лукашэнка назваў Зяленскага «гнідай», а «Байпол» — «мудакамі»
Зяленскаму паказалі словы Ціханоўскай пра дапамогу ў вызваленні Беларусі. Вось як ён адрэагаваў
